കാഞ്ഞങ്ങാട്: ഹോസ്ദുർഗ് ബാറിലെ അഭിഭാഷകൻ അഡ്വ. എം.എം. സാബു (60) നിര്യാതനായി. സി.എം.പി ജില്ല കൗൺസിൽ മുൻ അംഗമാണ്. കാഞ്ഞങ്ങാട്ടെ സ്വകാര്യ ആശുപത്രിയിലായിരുന്നു അന്ത്യം. ദീർഘ നാളായി അസുഖ ബാധിതനായി കാഞ്ഞങ്ങാട് പടന്നക്കാട്ടെ വീട്ടിൽ വിശ്രമത്തിലായിരുന്നു. കാഞ്ഞങ്ങാട് നെഹ്റു കോളജിൽ വിദ്യാർഥിയായിരിക്കെ എസ്.എഫ്.ഐ കോളജ് യൂനിറ്റ് പ്രസിഡന്റ്, കാലിക്കറ്റ് യൂനിവേഴ്സിറ്റി യൂനിയൻ കൗൺസിലർ, യൂനിവേഴ്സിറ്റി യൂനിയൻ എക്സിക്യൂട്ടിവ് അംഗം എന്നീ നിലകളിൽ പ്രവർത്തനം കാഴ്ചവെച്ചു. 1986 മുതൽ സി.എം.പിയിൽ ചേർന്നു പ്രവർത്തിച്ചു. കാഞ്ഞങ്ങാട് അർബൻ സഹകരണ സൊസൈറ്റിയുടെ സ്ഥാപക ഡയറക്ടർ കൂടിയായിരുന്നു. ഭാര്യ: അഡ്വ. നവനീത മാവില. മകൻ: സൗമിത്ത് ശ്യാം സാബു. ചൊവ്വാഴ്ച രാവിലെ എട്ടിന് മാവുങ്കാൽ ഹോസ്പിറ്റലിൽ നിന്ന് പടന്നക്കാട്ടുള്ള വസതിയിലെത്തിച്ച് പുതിയ കോട്ട മാന്തോപ്പ് മൈതാനത്ത് ഒമ്പതിന് പൊതുദർശനത്തിന് വെക്കും. നഗരസഭ പൊതുശ്‌മശാനത്തിൽ സംസ്കരിക്കും. സർവകക്ഷി അനുശോചനം നടക്കും.
