തിരുവനന്തപുരം: ചിത്രകാരനും പബ്ലിക് റിലേഷന്‍സ് ഡിപ്പാർട്ട്മെൻറ് മുൻ ഉദ്യോഗസ്ഥനുമായ ഇ.എസ്. വർഗീസ് (76-വർഗീസ് പുനലൂർ) നിര്യാതനായി. ലളിതകലാ അക്കാദമി ഭരണസമിതി അംഗവും അവാർഡ് ജേതാവുമാണ്. കേരള സംസ്ഥാന ഭാഗ്യക്കുറിയുടെ ആദ്യ ഡിസൈൻ, പല സർക്കാർ പുസ്തകങ്ങളുടെ പുറംചട്ടകൾ, പരസ്യങ്ങൾ എന്നിവ രൂപകൽപന ചെയ്തിട്ടുണ്ട്. സെക്രട്ടേറിയറ്റ് ദർബാർ ഹാളിൽ പ്രദർശിപ്പിച്ചിരിക്കുന്ന ഗാന്ധിയുടെ ചിത്രം ഇദ്ദേഹത്തിെൻറ സംഭാവനയാണ്. കേരളത്തിൽ ഉടനീളം നിരവധി ചിത്ര പ്രദർശനങ്ങൾ നടത്തിയിട്ടുണ്ട്. ഭാര്യ: അന്നമ്മ ജോൺ (റിട്ട. പോസ്റ്റൽ അക്കൗണ്ട് ഉദ്യോഗസ്ഥ). മക്കൾ: അമിത് വർഗീസ് (ചീഫ് മാനേജര്‍ - ലീഗൽ എസ്.ബി.ഐ, മുംബൈ), ആഷ വർഗീസ് (മുന്‍ എയർ ഇന്ത്യ). മരുമക്കൾ: ഇന്ദു, സുബിൻ (സി.എം.ഇ, ബംഗളൂരു).
