പൂക്കോട്ടുംപാടം: ആദിവാസി മധ്യവയസ്കൻ മരത്തിൽനിന്ന് വീണ് മരിച്ചു. കരുളായി കൊട്ടുപാറ കോളനിയിൽ താമസിക്കുന്ന കണ്ണന്റെ മകൻ സോമനാണ് (50) മരിച്ചത്. ചുള്ളിയോട് ഏലക്കല്ലിൽ ഉച്ചക്ക് രണ്ടോടെയാണ് സംഭവം. മരംമുറിക്കാരനായ സോമൻ രാവിലെ തെങ്ങ് മുറി ജോലിക്കു ശേഷം ഏലക്കല്ലിലെ സ്വകാര്യ വ്യക്തിയുടെ വീട്ടിൽനിന്ന് ചാമ്പക്ക പറിക്കുന്നതിനിടെ വീഴുകയായിരുന്നു. ഉടനെ നിലമ്പൂർ ജില്ല ആശുപത്രിയിലെത്തിച്ചെങ്കിലും മരിച്ചു. ഭാര്യ: വസന്ത. മക്കൾ: അരുൺ, അനിൽ, സൂര്യ. മരുമക്കൾ: രാജൻ. സംസ്കാരം പോസ്റ്റ് മോർട്ടത്തിനു ശേഷം തിങ്കളാഴ്ച കൊട്ടുപാറ കോളനി ശ്മശാനത്തിൽ.
