വെള്ളമുണ്ട: സ്‌കൂട്ടര്‍ അപകടത്തില്‍ യുവാവ് മരിച്ചു. കോഴിക്കോട് നരിപ്പറ്റ ഉപ്പുമ്മല്‍കുനി ദാമോദരന്റെ മകന്‍ നിപുണ്‍ (27) ആണ് മരിച്ചത്. ചൊവ്വാഴ്ച ഉച്ചക്ക് 12.30ഓടെ വെള്ളമുണ്ട പത്താംമൈലിലാണ് അപകടം. സുഹൃത്തുക്കള്‍ക്കൊപ്പം വയനാട്ടിലെത്തിയതായിരുന്നു. തിരികെ പോകുന്ന വഴി ബസിനെ മറികടക്കുന്നതിനിടയില്‍ നിപുണ്‍ ബസിനടിയിലേക്ക് വീഴുകയായിരുന്നു. കൂടെ സഞ്ചരിച്ചിരുന്ന സഹൃത്ത് വിപിന്‍ നിസാര പരിക്കുകളോടെ രക്ഷപ്പെട്ടു. നിപുണ്‍ സി.പി.എം എരട്ടയഞ്ചാല്‍ ബ്രാഞ്ചംഗവും ഡി.വൈ.എഫ്‌.ഐ യൂനിറ്റ് പ്രസിഡന്റുമാണ്. മാതാവ്: രാധ. സഹോദരങ്ങള്‍: നിഖിത, നീതു.
