നീലേശ്വരം: ആദ്യകാല ഓട്ടോ, ടാക്സി ഡ്രൈവർ ചിറപ്പുറത്തെ എ. മൊയ്തുവിനെ (51) ഓട്ടോ ടെമ്പോയിൽ മരിച്ച നിലയിൽ കണ്ടെത്തി. വെള്ളിയാഴ്ച രാത്രി വൈകിയും വീട്ടിലെത്താത്തതിനെ തുടർന്ന് തിരച്ചിൽ നടത്തിയപ്പോഴാണ് പാലക്കാട്ട് ചീർമക്കാവിനടുത്ത് വാഹനത്തിന്റെ ഉള്ളിൽ അബോധാവസ്ഥയിൽ കണ്ടത്. ഉടൻ ആശുപത്രിയിൽ എത്തിച്ചെങ്കിലും മരിച്ചിരുന്നു. നീലേശ്വരത്തെ ആദ്യകാല സൈക്കിൾഷോപ്പ് ഉടമ ചിറപ്പുറത്തെ എം.കെ. കുഞ്ഞബ്ദുല്ലയുടെയും ആയിഷുവിന്റെയും മകനാണ്. ഭാര്യ: സുമയ്യ (കല്ലുരാവി). മക്കൾ: മുഹമ്മദ് ഇജാസ്, നഹല. സഹോദരങ്ങൾ: നസീർ (ഓട്ടോറിക്ഷ ഡ്രൈവർ), റസിയ, നസീമ (ഇരുവരും ചിറപ്പുറം), സമീറ (ചായ്യോത്ത്).
