മാനന്തവാടി: തിരുനെല്ലിയിൽ ജല്‍ജീവന്‍ മിഷന്റെ ജോലിയെടുക്കുന്ന കരാര്‍ തൊഴിലാളികള്‍ സഞ്ചരിച്ച പിക് അപ് ജീപ്പ് മറിഞ്ഞുണ്ടായ അപകടത്തില്‍ പരിക്കേറ്റ ഒരാള്‍കൂടി മരിച്ചു. ഝാര്‍ഖണ്ഡ് മസ്‌ഗേഡി സ്വദേശി ദസ്തകിര്‍ ആലം (27) ആണ് മരിച്ചത്.
ഗുരുതര പരിക്കേറ്റതിനെ തുടര്‍ന്ന് കോഴിക്കോട് മെഡിക്കല്‍ കോളജില്‍ ചികിത്സയിലിരിക്കെയായിരുന്നു മരണം. അസം സ്വദേശി ഷാ ജമാല്‍ (26) അപകട ദിവസം മരിച്ചിരുന്നു. ഇതോടെ അപകടത്തില്‍ മരിച്ചവരുടെ എണ്ണം രണ്ടായി.
കഴിഞ്ഞ തിങ്കളാഴ്ച രാവിലെ തിരുനെല്ലി-അപ്പപ്പാറ-തോല്‍പ്പെട്ടി റോഡിലെ ചേകാടിയിലായിരുന്നു അപകടം. എട്ടുപേര്‍ക്കാണ് അപകടത്തിൽ പരിക്കേറ്റത്. വാഹനമാണ് അപകടത്തില്‍പ്പെട്ടത്.
