കാഞ്ഞങ്ങാട്: നിയന്ത്രണം വിട്ട ബൈക്ക് മറിഞ്ഞ് യുവാവ് മരിച്ചു. രാജപുരം വണ്ണാത്തിക്കാനത്തെ അഷ്റഫിന്റെ മകൻ മുഹമ്മദ് അഷ്കർ (21) ആണ് മരിച്ചത്. കള്ളാർ മുസ്‍ലിം പള്ളിക്ക് സമീപം ചൊവ്വാഴ്ച വൈകീട്ടാണ് അപകടം. നിയന്ത്രണം വിട്ട ഇരുചക്ര വാഹനം റോഡിൽ നിന്നും തെറിച്ച് മറിയുകയായിരുന്നു. പരിക്കേറ്റയാളെ നാട്ടുകാർ ആദ്യം പൂടംകല്ല് താലൂക്ക് ആശുപത്രിയിലെത്തിച്ചു.
ഇവിടെ നിന്നും കാഞ്ഞങ്ങാട്ടും തുടർന്ന് മംഗളൂരുവിലുമെത്തിച്ചു. രാത്രി 12ഓടെ മംഗളൂരു ആശുപത്രിയിലാണ് മരണം. സുഹൃത്തിന്റെ പുതിയ ബൈക്ക് കള്ളാർ ടൗണിൽനിന്നും മാലക്കല്ല് ഭാഗത്തേക്ക് ഓടിച്ചുനോക്കുന്നതിനിടെയായിരുന്നു അപകടം. മാതാവ്: ജമീല. സഹോദരങ്ങൾ: ഷറഫുദ്ദീൻ, അഷ് റിഫ, പരേതനായ അജ്മൽ.
