കോഴിക്കോട്: ബൈക്കപകടത്തിൽ യുവാവ് മരിച്ചു. പൊക്കുന്ന് എണ്ണപ്പാടം പടിഞ്ഞാറയിൽ സോനു (33) ആണ് മരിച്ചത്. ചൊവ്വാഴ്ച പുലർച്ച 1.30ന് പൂളാടിക്കുന്ന് പാലോറമല ജങ്ഷന് സമീപം പടന്നക്കളത്ത് വെച്ച് ബൈക്ക് അപകടത്തിൽപെടുകയായിരുന്നു. സോനു സഞ്ചരിച്ച ബൈക്ക് 20 മീറ്റർ അകലേക്ക് തെറിച്ചുവീണതായാണ് കണ്ടത്.
മറ്റേതോ വാഹനം ഇടിച്ചു തെറിപ്പിച്ചതായാണ് സംശയം. സി.പി.എം കിണാശ്ശേരി ലോക്കൽ കമമിറ്റി അംഗവും ഡി.വൈ.എഫ്.ഐ കിണാശ്ശേരി മേഖല ട്രഷററുമാണ്.പിതാവ്: പരേതനായ പടിഞ്ഞാറയിൽ സോമൻ. മാതാവ്: സ്നേഹലത. സഹോദരിമാർ: സോണില, സോണിമ. സംസ്കാരം വ്യാഴാഴ്ച രാവിലെ 8.30ന് മാങ്കാവ് ശ്മശാനത്തിൽ.