ശ്രീകണ്ഠപുരം: പുലിക്കുരുമ്പ-നടുവിൽ റോഡിൽ കൈതളം ആദംകുഴി വളവിൽ ജീപ്പ് നിയന്ത്രണം വിട്ട് മറിഞ്ഞ് വിദ്യാർഥി മരിച്ചു. ചെമ്പേരി നിർമല ഹയർ സെക്കൻഡറി സ്കൂൾ പ്ലസ് വൺ വിദ്യാർഥി പുറഞ്ഞാണിലെ ജൂഡ് വിൻ ഷൈജു (17) ആണ് മരിച്ചത്. പള്ളിപ്പെരുന്നാളിൽ പങ്കെടുത്ത് മടങ്ങുന്ന അഞ്ചുപേർ സഞ്ചരിച്ച ജീപ്പാണ് അപകടത്തിൽപെട്ടത്. ശനിയാഴ്ച അർധരാത്രിയോടെയാണ് അപകടം. ഉടൻ ആശുപത്രിയിലെത്തിച്ചെങ്കിലും ജൂഡ് വിന്റെ ജീവൻ രക്ഷിക്കാനായില്ല. വണ്ടിയിലുണ്ടായിരുന്ന മറ്റുള്ളവരുടെ പരിക്ക് ഗുരുതരമല്ല. ഷൈജു-ശോഭ ദമ്പതികളുടെ മകനാണ്. സഹോദരങ്ങൾ: ജൂഡിറ്റ്, ജുവാന.
