തിരൂരങ്ങാടി: മൂന്നിയൂർ ആലിൻചുവട് അങ്ങാടിയിൽ കാറും ഓട്ടോയും കൂട്ടിയിടിച്ച് ഒരാൾ മരിക്കുകയും ഒരാൾക്ക് പരിക്കേൽക്കുകയും ചെയ്തു. ഓട്ടോയാത്രക്കാരനായ ആലിൻചുവട് സ്വദേശി പാങ്ങാട്ട് കുഞ്ഞിമുഹമ്മദ് (72) ആണ് മെഡിക്കൽ കോളജിൽ ചികിത്സക്കിടെ മരിച്ചത്. ബന്ധുവും ഓട്ടോഡ്രൈവറുമായ പാങ്ങാട്ട് മുജീബിനെ പരിക്കുകളോടെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. കുഞ്ഞിമുഹമ്മദിന്റെ ഭാര്യ പരേതയായ ഫാത്തിമ. മക്കൾ: ഷറഫു, മുജീബ്, ജാഫർ, സുബൈർ, ഹാരിസ്, റഹ്മത്ത്, മുനീറ, സൽമത്ത്.
