കാഞ്ഞങ്ങാട്: അബൂദബി കെ.എം.സി.സി സംസ്ഥാന കമ്മിറ്റി ട്രഷററും മുസ് ലിം ലീഗ് നേതാവും ജീവകാരുണ്യ പ്രവര്‍ത്തന രംഗങ്ങളില്‍ സജീവ സാന്നിധ്യവുമായിരുന്ന ബാവനഗറിലെ സി.എച്ച്. അസ് ലം (48) നിര്യാതനായി.
അബൂദബി കാഞ്ഞങ്ങാട് സംയുക്ത ജമാഅത്ത് ജന.സെക്രട്ടറി, കാഞ്ഞങ്ങാട് അബൂദബി കമ്മിറ്റി ഭാരവാഹി, ബാവനഗര്‍ സ്വദഖ ചാരിറ്റബിള്‍ ട്രസ്റ്റിന്റെ മുഖ്യ സംഘാടകന്‍, കാഞ്ഞങ്ങാട് സി.എച്ച് സെന്ററിന്റെ മെട്രോ മുഹമ്മദ് ഹാജി സ്മാരക ഡയാലിസിസ് സെന്റര്‍ സ്ഥാപിക്കുന്നതിലും സി.എച്ച്. അസ ലം പങ്കുവഹിച്ചിട്ടുണ്ട്. കാഞ്ഞങ്ങാട് തീരദേശ മേഖലയില്‍ മുസ് ലിം ലീഗിനും പോഷക സംഘടനകള്‍ക്കും നേതൃത്വം നല്‍കിയിരുന്നു.
കാഞ്ഞങ്ങാട് സി.എച്ച് സെന്റര്‍ ട്രഷററും മുസ്‍ലിംലീഗ് നേതാവുമായ സി.എച്ച്. അഹമ്മദ് കുഞ്ഞി ഹാജിയുടെയും കെ.എച്ച്. ബിഫാത്തിമയുടെയും മകനാണ്.
നസീറയാണ് ഭാര്യ. മക്കള്‍: ഫാത്തിമത്ത് മെഹറജബിന്‍, ആയിഷത്ത് നൂരിയ, മുഹമ്മദ് അസ്ലം. സഹോദരങ്ങള്‍: സി.എച്ച്. നിസാര്‍, അഡ്വ. നുസൈബ്, ആജിഷ അഹമ്മദ്.
