തളിപ്പറമ്പ്: സി.പി.എം മോറാഴ ലോക്കൽ കമ്മിറ്റിയംഗം വെള്ളിക്കീലിലെ എ.വി. ബാബു (50) നിര്യാതനായി. മോറാഴ കല്യാശ്ശേരി സർവിസ് സഹകരണ ബാങ്ക് യോഗശാല ബ്രാഞ്ച് മാനേജറാണ്. തളിപ്പറമ്പ് നഗരസഭ മുൻ സ്റ്റാൻഡിങ് കമ്മിറ്റി ചെയർമാനാണ്. കർഷക തൊഴിലാളി യൂനിയൻ മോറാഴ വില്ലേജ് പ്രസിഡന്റും കൈരളി വായനശാല പ്രസിഡന്റ്, മത്സ്യത്തൊഴിലാളി യൂനിയൻ തളിപ്പറമ്പ് ഏരിയ പ്രസിഡന്റ്, മോറാഴ ബാങ്ക് കെ.സി.ഇ.യു യൂനിറ്റ് സെക്രട്ടറി എന്നീ നിലകളിൽ പ്രവർത്തിച്ചുവരുന്നു. ഡി.വൈ.എഫ്.ഐ മുൻ ജില്ല കമ്മിറ്റിയംഗവും തളിപ്പറമ്പ് ബ്ലോക്ക് പ്രസിഡന്റുമായിരുന്നു. പരേതനായ കൃഷ്ണൻ നമ്പ്യാരുടെയും ജാനകിയുടെയും മകനാണ്. ഭാര്യ: ടി. സജിത (സെക്രട്ടറി ചെത്ത് തൊഴിലാളി ക്ഷേമ സഹകരണ സംഘം തളിപ്പറമ്പ്). മകൻ: ആഗത് (വിദ്യാർഥി). സഹോദരങ്ങൾ: മുരളീധരൻ, തങ്കമണി, പ്രേമവല്ലി.
