കാഞ്ഞങ്ങാട്: വെള്ളിക്കോത്ത് പെരളത്ത് മിനിലോറിയും സ്കൂട്ടറും കൂട്ടിയിടിച്ച് യുവാവ് മരിച്ചു. പുല്ലൂർ മാടിക്കാൽ കുറുമ്പാനത്തെ കൃഷ്ണദാസാണ് (45) മരിച്ചത്. വെള്ളിയാഴ്ച ഉച്ചക്കാണ് അപകടം. യുവാവ് സഞ്ചരിച്ച സ്കൂട്ടറിൽ മിനിലോറിയിടിക്കുകയായിരുന്നു. ആശുപത്രിയിലെത്തിച്ചെങ്കിലും മരിച്ചു. ഒരു മാസം മുമ്പാണ് അവധിക്ക് ഗൾഫിൽനിന്ന് നാട്ടിലെത്തിയത്. രണ്ടാഴ്ച കഴിഞ്ഞ് പോകാനുള്ള ഒരുക്കത്തിലായിരുന്നു. രാമൻ-പാർവതി ദമ്പതികളുടെ മകനാണ്. ഭാര്യ: ദിവ്യ. മക്കൾ: ദൃശ്യ, ശ്രദ്ധ.
