പനമരം: പാടശേഖരത്തിൽ ഇറങ്ങിയ കാട്ടാനയെ തുരത്തുന്നതിനിടെ പാഞ്ഞുവന്ന കാട്ടാനയിൽനിന്ന് രക്ഷപ്പെടാൻ ഓടുന്നതിനിടെ കമ്പിയിൽ തട്ടി വീണ് പരിക്കേറ്റ് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്ന കർഷകൻ മരിച്ചു. നടവയൽ സ്വദേശി പുലയൻപറമ്പിൽ ബെന്നിയാണ് (56) മരിച്ചത്. നെൽപ്പാടത്ത് ഇറങ്ങിയ കാട്ടാനയെ ഓടിക്കുന്നതിനിടെ ചിന്നംവിളിച്ച് പാഞ്ഞുവന്ന കാട്ടാനയിൽനിന്നും രക്ഷപ്പെടാനായി ഓടിയ ബെന്നിക്ക് കാട്ടുപന്നി കടക്കാതിരിക്കാൻ വേണ്ടി കെട്ടിയ കമ്പിയിൽ തട്ടി വീണ് കാലിന് പരിക്കേൽക്കുകയായിരുന്നു. മുറിവിൽനിന്നുണ്ടായ അണുബാധയാണ് മരണകാരണം. ചെക്കിട്ട പ്രദേശത്ത് കൽമതിൽ പൊളിഞ്ഞു കിടക്കുന്നതാണ് ഈ ഭാഗത്ത് ഇതുപോലെ കാട്ടാനകൾ വരാൻ കാരണമായി പറയുന്നത്.
ഭാര്യ: മോളി. മക്കൾ: അമല, അനില. മരുമക്കൾ: അജി, ജെയ്സൺ. സഹോദരങ്ങൾ: ബിനോയ്‌, ബിന്ദു.
