പുഴയിൽ മീൻ പിടിക്കാനിറങ്ങിയ യുവാവ് മുങ്ങിമരിച്ചുപുൽപള്ളി: കൊളവള്ളിയിൽ പുഴയിൽ മീൻ പിടിക്കാൻ ഇറങ്ങിയ യുവാവ് മുങ്ങിമരിച്ചു. അയ്യംകൊല്ലി സ്വദേശി രാജ്കുമാർ (24) ആണ് മുങ്ങിമരിച്ചത്. ചൊവ്വാഴ്ച വൈകീട്ട് നാലോടെയാണ് സംഭവം. സുഹൃത്തുക്കളോടൊപ്പം പുഴയിൽ ചൂണ്ട ഇടുന്നതിനിടെയായിരുന്നു അപകടം. ചാമപ്പാറയിൽ കിണർ പണിക്കെത്തിയതായിരുന്നു ഇവർ. ഫയർഫോഴ്സ് അസി. സ്റ്റേഷൻ ഓഫിസർ എൻ.വി. ഷാജിയുടെ നേതൃത്വത്തിൽ ഫയർ ഓഫിസർമാരായ ധനീഷ്, വിനീത്, നിബിൽ ദാസ്, അഖിൽ രാജ്, നിസാർ, സുമീർ കുമാർ, ഹോം ഗാർഡുകളായ ബാബു മാത്യു, പൗലോസ്, പി.സി. ചാണ്ടി എന്നിവർ അരമണിക്കൂറോളം തിരച്ചിൽ നടത്തിയ ശേഷമാണ് മൃതദേഹം കണ്ടെത്തിയത്. മൃതദേഹം പുൽപള്ളി ഗവ. ആശുപത്രിയിൽ.
