ഉദുമ: നൃത്തം പരിശീലിച്ചുകൊണ്ടിരിക്കെ കുഴഞ്ഞുവീണ എട്ടാം ക്ലാസുകാരി മരിച്ചു.
പാക്കം സ്കൂളിലെ എട്ടാംതരം വിദ്യാർഥിനി ശ്രീനന്ദ (13)യാണ് മരിച്ചത്. ഞായറാഴ്ച രാത്രി എട്ടോടെയാണ് സംഭവം. വീട്ടിൽ നൃത്തം പരിശീലിച്ചുകൊണ്ടിരിക്കെ കുഴഞ്ഞുവീഴുകയായിരുന്നു.
ഉടനെ കാഞ്ഞങ്ങാട്ടെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
പള്ളിക്കര തൊട്ടി കിഴക്കേക്കരയിലെ തായത്ത് വീട്ടിലെ പരേതനായ രവീന്ദ്രന്റെ മകളാണ്. മാതാവ്: അജിത. സഹോദരങ്ങൾ: ശ്രീക്കുട്ടി, ശ്രീഹരി (ഇരുവരും വിദ്യാർഥികൾ).
