കാഞ്ഞങ്ങാട്: പടന്നക്കാട്ട് അന്തർ സംസ്ഥാന തൊഴിലാളിയായ യുവാവിനെ താമസസ്ഥലത്ത് മരിച്ചനിലയിൽ കണ്ടെത്തി. വെസ്റ്റ് ബംഗാൾ സ്വദേശി റാബിറോയി (38) ആണ് മരിച്ചത്. പടന്നക്കാട് നമ്പ്യാർക്കൽ അണക്കെട്ടിന് സമീപത്തെ താമസസ്ഥലത്താണ് മരിച്ചനിലയിൽ ഞായറാഴ്ച രാവിലെ കണ്ടത്. ജില്ല ആശുപത്രിയിൽ എത്തിച്ച് പരിശോധിച്ചതിൽ മരിച്ചതായി ഡോക്ടർ അറിയിച്ചു. ഇവിടത്തെ ഇന്‍റർലോക്ക് കമ്പനിയിലെ തൊഴിലാളിയായിരുന്നു. ഹോസ്ദുർഗ് പൊലീസെത്തി ഇൻക്വസ്റ്റ് നടത്തി. സി.സി.ടി.വി ഉൾപ്പെടെ പരിശോധിക്കുന്നു.
