ചേർപ്പ്: പാറളം പള്ളിപ്പുറത്തുനിന്ന് കാണാതായ യുവാവിനെ മരിച്ചനിലയിൽ കണ്ടെത്തി. അണ്ടികോട്ടിൽ വീട്ടിൽ പരേതനായ രാമകൃഷ്ണന്റെ മകൻ സുജനാഥ് കൃഷ്ണനെ (46) ആണ് ബന്ധുവിന്റെ പണിതീരാത്ത വീടിനു മുകളിൽ മരിച്ചനിലയിൽ കണ്ടെത്തിയത്. ഏപ്രിൽ 27 മുതൽ യുവാവിനെ കാണാതായിരുന്നു. ബന്ധുക്കൾ ചേർപ്പ് പൊലീസിൽ പരാതി നൽകിയിരുന്നു. ഞായറാഴ്ച നാലുമണിയോടെ വീടിന്റെ മുകൾനിലയിൽനിന്ന് ദുർഗന്ധം വമിച്ചതിനെ തുടർന്ന് സമീപവാസികൾ അന്വേഷിച്ചപ്പോഴാണ് മൃതദേഹം കണ്ടെത്തിയത്. ചേർപ്പ് പൊലീസ് സ്ഥലത്തെത്തി മേൽനടപടി സ്വീകരിച്ചു. മാതാവ്: സുമ. ഭാര്യ: സഞ്ജന. മക്കൾ: അതുൽ കൃഷ്ണ, ആദികൃഷ്ണ.