നീലേശ്വരം: സംസ്ഥാന അധ്യാപക അവാർഡ് ജേതാവും തൃക്കരിപ്പൂർ കൈക്കോട്ടുകടവ് ഗവ. വൊക്കേഷനൽ ഹയർ സെക്കൻഡറി സ്കൂൾ അധ്യാപകനുമായ നീലേശ്വരം തൈക്കടപ്പുറം കണിച്ചിറയിലെ ടി.കെ. അബൂ സാലി മാസ്റ്റർ (55) നിര്യാതനായി.
2018ലാണ് വൊക്കേഷനൽ ഹയർ സെക്കൻഡറി വിഭാഗത്തിൽ സംസ്ഥാന അധ്യാപക അവാർഡ് നേടിയത്. സിജി കാസർകോട് ജില്ല ജനറൽ സെക്രട്ടറി ആയിരുന്നു. ഭാര്യ: എൻ.പി. നസീമ. മക്കൾ: റാസിഖ് (എൻജിനീയർ, ദുബൈ), റിസ്‍വാന (ഫാർമസിസ്റ്റ്), റസിൻ (പിലിക്കോട് ജി.എച്ച്.എസ്.എസ് വിദ്യാർഥി). മരുമകൻ: റയിസ് (ഫാർമസിസ്റ്റ്, അബൂദബി). സഹോദരങ്ങൾ: അബ്ദുൽ റസാഖ് തായലക്കണ്ടി (പ്രസിഡന്റ്, കാഞ്ഞങ്ങാട് മുനിസിപ്പൽ മുസ്‍ലിം ലീഗ് കമ്മിറ്റി), മുഹമ്മദ് കുഞ്ഞി (സെക്രട്ടറി, ഖത്തർ ഐ.സി.ബി.എഫ്), റഹ്മത്ത്, പരേതയായ നഫീസത്ത്.
