ചക്കരക്കല്ല്: ഹജ്ജ് കർമത്തിനുപോയ പള്ളിപ്പൊയിൽ സ്വദേശി മക്കയിൽ നിര്യാതനായി. പള്ളിപ്പൊയിലിലെ റുക്സാനാസിൽ ഇബ്രാഹിം മാമ്മു ഹാജി (68) ആണ് മക്കയിൽ മരിച്ചത്. സംസ്ഥാന ഹജ്ജ് കമ്മിറ്റി മുഖേനയാണ് ഹജ്ജിനു പുറപ്പെട്ടത്. ഹജ്ജ് കർമങ്ങൾ കഴിഞ്ഞതിനുശേഷം അസുഖത്തെ തുടർന്ന് ഏതാനും ദിവസങ്ങളായി സൗദി ജർമൻ ആശുപത്രിയിൽ ചികിത്സയിലായിരുന്നു. ബുധനാഴ്ച രാവിലെയാണ് മരിച്ചത്. പള്ളിപ്പൊയിൽ മഹല്ല് കമ്മിറ്റി ജോ. സെക്രട്ടറിയും ജീവകാരുണ്യ പ്രവർത്തകനുമായിരുന്നു. ഭാര്യ: ടി.വി. സൗജത്ത്. മക്കൾ: റുമൈസ് (കുവൈത്ത്), അനീസ്, റുബീന, റുക്സാന. മരുമക്കൾ: സാജർ (ഖത്തർ), ഹാരിസ് (കുവൈത്ത്). മയ്യിത്ത് മക്കയിൽ ഖബറടക്കി.