വേങ്ങര: ഊരകം പുല്ലഞ്ചാലിൽ ബൈക്ക് ഓവുചാലിലേക്ക് മറിഞ്ഞ് യുവാവ് മരിച്ചു.
ഊരകം പഞ്ചായത്തിന് സമീപം കമ്പിളിയത്ത് അയ്യപ്പന്റെ മകൻ ജയകൃഷ്ണൻ (35) ആണ് മരിച്ചത്. ബൈക്കിൽ കൂടെ സഞ്ചരിച്ച കാളൻ സജിത്തിനെ (36) ഗുരുതര പരിക്കുകളോടെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. ഞായറാഴ്ച ഉച്ചക്ക് രണ്ടരയോടെയാണ് അപകടം. ജയകൃഷ്ണനായിരുന്നു ബൈക്ക് ഓടിച്ചിരുന്നത്.
മൃതദേഹം മഞ്ചേരി മെഡിക്കൽ കോളജ് മോർച്ചറിയിൽ. പോസ്റ്റ് േമാർട്ടത്തിനു ശേഷം തിങ്കളാഴ്ച ഉച്ചയോടെ ഊരകം വെങ്കുളം ശ്മശാനത്തിൽ സംസ്കരിക്കും. മാതാവ്: ശാന്തകുമാരി. ഭാര്യ: അഷിത. സഹോദരങ്ങൾ: ജയേഷ്, ജിഷ.
