മുണ്ടൂർ: ഓട്ടോയുമായി കൂട്ടിയിടിച്ച് ബൈക്ക് യാത്രികൻ മരിച്ചു. കെട്ടിട നിർമാണ തൊഴിലാളി പറളി തേനൂർ തങ്കത്ത് വീട്ടിൽ സുധാകരനാണ് (53) മരിച്ചത്. മുണ്ടൂർ-പറളി പാതയിൽ വഴുക്കപ്പാറ വാതകശ്മശാനത്തിന് സമീപം ബുധനാഴ്ച ഉച്ചക്ക് രണ്ടിനാണ് അപകടം.
മുണ്ടൂർ ഭാഗത്തുനിന്ന് സുധാകരൻ വീട്ടിലേക്ക് പോകുകയായിരുന്നു. പാലക്കാട് ജില്ല ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. മൃതദേഹം ജില്ല ആശുപത്രിയിൽ പോസ്റ്റുമോർട്ടം നടത്തി ബന്ധുക്കൾക്ക് കൈമാറും. പിതാവ്: വേലായുധൻ. ഭാര്യ: പ്രിയ. മക്കൾ: സുധിൻ, സുബിൻ. സംസ്കാരം വ്യാഴാഴ്ച.