കൂളിവയൽ: അമ്പലതുരുത്തേൽ ചെട്ടിയാകുന്നേൽ കുടുംബാംഗം കുഴിമുള്ളിൽ കെ.എം. ദേവസ്യ മാസ്റ്റർ (88) നിര്യാതനായി. മുൻ കെ.പി.സി.സി അംഗം, കേരള കോൺഗ്രസ് സ്ഥാപക നേതാവ്, സംസ്ഥാന സ്റ്റിയറിങ് കമ്മിറ്റി അംഗം, കേരള അഗ്രോ ഇൻഡസ്ട്രീസ് കോർപറേഷൻ ഡയറക്ടർ, താലൂക്ക് ലാൻഡ് ബോർഡ് അംഗം എന്നീ നിലകളിൽ പ്രവർത്തിച്ചിരുന്നു. വയനാട് സോഷ്യൽ സർവിസ് സൊസൈറ്റി സ്ഥാപക ഡയറക്ടറാണ്. നടവയൽ സെന്‍റ് തോമസ് യു.പി സ്കൂൾ, കൊമ്മയാട് സെന്‍റ് സെബാസ്റ്റ്യൻസ് യു.പി സ്കൂൾ എന്നിവിടങ്ങളിൽ അധ്യാപകനായിരുന്നു. ഭാര്യ: അയ്യാനികാട്ടിൽ മേരി. മക്കൾ: ലിസി മേരി (റിട്ട. അധ്യാപിക, വേനപ്പാറ), പരേതയായ സൂസൻ കരോളിൻ, അഡ്വ. റോസ്മേരി കൂത്തുപറമ്പ്, അഡ്വ. കെ. ബിജു മാത്യു മാനന്തവാടി. മരുമക്കൾ: തങ്കച്ചൻ കണ്ണേഴുത്ത് കാപ്പാട്ടുമല, ജോർജ് വലിയമറ്റം കൂത്തുപറമ്പ്, ഷിബി മാത്യു മേച്ചേരിൽ (അധ്യാപിക, ടെക്നിക്കൽ ഹൈസ്കൂൾ ദ്വാരക). സംസ്കാരം വെള്ളിയാഴ്ച വൈകീട്ട് നാലിന് സെന്‍റ് സെബാസ്റ്റ്യൻസ് ചർച്ച് ചെറുകോട്ടൂർ.
