നീലേശ്വരം: ഡ്യൂട്ടിക്കിടെ കുഴഞ്ഞുവീണ് അവശനിലയിലായ വനിത ജയിൽ അസിസ്റ്റന്റ് സൂപ്രണ്ട് ചികിത്സക്കിടെ മരിച്ചു. കണ്ണൂർ വനിത ജയിൽ ഉദ്യോഗസ്ഥ നീലേശ്വരം പള്ളിക്കര വടക്കേ നീലമന ഇല്ലത്തെ ഇ.കെ. പ്രിയ (50) ആണ് മരിച്ചത്. പരിയാരത്തെ കണ്ണൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിലിരിക്കെയായിരുന്നു മരണം.
പള്ളിക്കരയിലെ ഇല്ലപ്പറമ്പിൽ തളിപ്പറമ്പിലെ പരേതനായ ഇ.കെ. പരമേശ്വരൻ നമ്പൂതിരിയുടെയും (റിട്ട. പ്രിവന്റിവ് ഓഫിസർ) സാവിത്രി അന്തർജനത്തിന്റെയും മകളാണ്. ഭർത്താവ്: പി.വി.എം. നാരായണൻ നമ്പൂതിരി (പബ്ലിഷർ - ട്രഷറർ യോഗക്ഷേമസഭ പള്ളിക്കര ഉപസഭ). മകൻ: പ്രിയേഷ് (പവൻ ഹാൻസ്, മുംബൈ). മരുമകൾ: ഭാഗ്യശ്രീ.
സഹോദരൻ: യജ്ഞശങ്കർ. സംസ്കാരം വെള്ളിയാഴ്ച രാവിലെ 9.30ന്.
