കല്ലോടി (വയനാട്): അമിത അളവിൽ ഉറക്കഗുളിക കഴിച്ച് അവശ നിലയിൽ കണ്ടെത്തിയ വില്ലേജ് എക്സ്റ്റന്ഷന് ഓഫിസര് മരിച്ചു. എടവക പഞ്ചായത്ത് ഓഫിസിലെ വില്ലേജ് എക്സ്റ്റന്ഷന് ഓഫിസര് കൊല്ലം മൈനാഗപ്പള്ളി സ്വദേശിനി പുത്തന്പുരയില് എ. ശ്രീലത (46) ആണ് ആശുപത്രിയിൽ മരിച്ചത്. എടവക പന്നിച്ചാലില് വാടകക്ക് താമസിച്ചുവരുകയായിരുന്നു.
വെള്ളിയാഴ്ച രാവിലെ ഉറക്ക ഗുളിക അമിതമായി കഴിച്ചതിനെ തുടർന്ന് ഗുരുതരാവസ്ഥയില് മാനന്തവാടിയിലെ സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. അവിടെനിന്ന് വിദഗ്ധ ചികിത്സക്കായി മേപ്പാടി വിംസ് ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല. മാനന്തവാടി പൊലീസ് അന്വേഷണം ആരംഭിച്ചു. ഭർത്താവ്: ഹരിദാസ്.
