കാഞ്ഞങ്ങാട്: റിട്ട. ഡെവലപ്മെന്റ് കമീഷണർ നെല്ലിക്കാട്ട് സിന്ധു ഭവനിൽ പി.എ. രാമൻ (84) നിര്യാതനായി. പെരുമ്പാവൂർ സ്വദേശിയാണ്. 1960ൽ സ്റ്റാറ്റിസ്റ്റിക്കൽ ഇൻവെസ്റ്റിഗേറ്ററായി സർവിസിൽ പ്രവേശിച്ചു. നാഷനൽ സാമ്പ്ൾ സർവേ ഇൻവെസ്റ്റിഗേറ്റർ, ജൂനിയർ സ്റ്റാറ്റിസ്റ്റിക്കൽ ഇൻസ്പെക്ടർ, താലൂക്ക് സ്റ്റാറ്റിസ്റ്റിക്കൽ ഇൻസ്പെക്ടർ, ഓഫിസർ എന്നീ തസ്തികകളിൽ ജോലി ചെയ്തു. പിന്നീട്, ഗ്രാമവികസന വകുപ്പിൽ ബ്ലോക്ക് ഡെവലപ്മെന്റ് ഓഫിസറായി. കോഴിക്കോട്, എറണാകുളം, തൃശൂർ, കാസർകോട് ജില്ലകളിൽ ബി.ഒ ആയി സേവനമനുഷ്ഠിച്ചു. അസി. പ്രോജക്ട് ഓഫിസറായും സേവനമനുഷ്ഠിച്ചു. ഭാര്യ: എം.ആർ. ജാനകി (റിട്ട. അധ്യാപിക). മക്കൾ: സിന്ധു പി. രാമൻ (ക്ലർക്ക്, ഗവ. വൊക്കേഷനൽ ഹയർ സെക്കൻഡറി സ്കൂൾ കാഞ്ഞങ്ങാട് സൗത്ത്), ഡോ. പി.ആർ. സജി. മരുമക്കൾ: എ.സി. ബാബുരാജ് (നെല്ലിക്കാട്ട്), ഡോ കെ.ആർ. ബിന്ദു. സഹോദരങ്ങൾ: നാരായണൻ, ബാലകൃഷ്ണൻ, പാറുക്കുട്ടി, ലക്ഷ്മിക്കുട്ടി, പരേതരായ കൃഷ്ണൻ, സരോജിനി.
