ഉപ്പള: മുൻ ഡി.സി.സി അംഗവും മഞ്ചേശ്വരം ബ്ലോക്ക് കോൺഗ്രസ് ജനറൽ സെക്രട്ടറിയുമായിരുന്ന കെ.എം.എ. ഹമീദ് മൊഗ്രാൽ (78) നിര്യാതനായി. ഉപ്പള കുക്കാറിൽ മകളുടെ വസതിയിൽ ഇന്ന് ഉച്ചയോടെയായിരുന്നു അന്ത്യം.കുമ്പളയിൽ കോൺഗ്രസ് പ്രസ്ഥാനത്തെ പടുത്തുയർത്തുന്നതിൽ നിർണായക പങ്കുവഹിച്ച വ്യക്തിത്വമായിരുന്നു. അന്തരിച്ച കോൺഗ്രസ് നേതാക്കളായ ഐ. രാമറൈയുടെയും പി. ഗംഗാധരൻ നായരുടെയും വിശ്വസ്തനായി അറിയപ്പെട്ടു.
ഭാര്യ: പരേതയായ സക്കീന. മക്കൾ: ഫായിസ,റഹീല. മരുമക്കൾ: ഹാഷിം പാറപ്പള്ളി കാഞ്ഞങ്ങാട്, ഹമീദ് കുക്കാർ. സഹോദരങ്ങൾ: പരേതരായ അബ്ദുൽ ഗഫൂർ അംഗടിമുഗർ, അഹമ്മദ് കോരിക്കാർ (ആമുച്ച), മുൻ കോൺഗ്രസ് എസ് ജില്ല സെക്രട്ടറി എ.എം. ഹാജി മൊഗ്രാൽ, ബീഫാത്തിമ.മയ്യിത്ത് വൈകുന്നേരത്തോടെ മൊഗ്രാൽ കടവത്ത് പുതിയ പള്ളി പരിസരത്ത് ഖബറടക്കും.
