തിരുവമ്പാടി: കൂമ്പാറ-കക്കാടംപൊയിൽ റോഡിൽ ആനക്കല്ലുംപാറക്ക് സമീപം കാർ നിയന്ത്രണം വിട്ട് കലുങ്കിൽ ഇടിച്ച് യുവതി മരിച്ചു. കൊടുവള്ളി മുക്കിലങ്ങാടി കുന്നത്ത് പറമ്പ് ഷുക്കൂറിന്‍റെ മകൾ ഫാത്തിമ മഖ്ബൂല (20) ആണ് മരിച്ചത്. കാർ ഓടിച്ചിരുന്ന കല്ലുരുട്ടി തറോൽ സ്വദേശി മുഹ്സിലിന് (23) പരിക്കേറ്റു. സ്ഥിരം അപകട മേഖലയാണ് ആനക്കല്ലുംപാറ. പ്രദേശത്ത് വ്യത്യസ്ത അപകടങ്ങളിലായി നേരത്തെ മൂന്ന് പേർ മരിച്ചിരുന്നു. ഫാത്തിമ മഖ്‌ബൂലയുടെ മാതാവ്: സലീന. സഹോദരി: ശിഫ.
