കാസർകോട്: മാധ്യമ പ്രവർത്തകനും ഫോട്ടോ- വിഡിയോ എഡിറ്ററുമായ സുധീർ സുവർണ മോണപ്പ (44) നിര്യാതനായി. കാസർകോട് കിംസ് സൺറൈസ് ആശുപത്രിയിൽ ചികിത്സയിലായിരുന്നു. ശനിയാഴ്ച വൈകീട്ടാണ് മരിച്ചത്. ചെർക്കള കെ.കെ പുരം സ്വദേശിയാണ്. 15 വർഷത്തിലധികമായി മാധ്യമ രംഗത്തുണ്ടായിരുന്ന സുധീർ ശ്രദ്ധിക്കപ്പെട്ട നിരവധി ഹ്രസ്വ ചിത്രങ്ങളുടെയും പരസ്യങ്ങളുടെയും എഡിറ്റിങ് നിർവഹിച്ചിട്ടുണ്ട്. കാസർകോട് ചാനൽ നെറ്റ് (കെ.സി.എൻ), കാസർകോട് വിഷൻ, കാസർകോട് സിറ്റി ചാനൽ, ചാനൽ ആർ.ബി തുടങ്ങിയ സ്ഥാപനങ്ങളിൽ പ്രവർത്തിച്ചിരുന്നു. മോണപ്പ- കാവേരി ദമ്പതികളുടെ മകനാണ്. ഭാര്യ: സരസ്വതി (അധ്യാപിക). സഹോദരി: മാലിനി (വിദ്യാനഗർ കൃഷ്ണ ഹോസ്പിറ്റലിലെ ജീവനക്കാരി).
