പുളിക്കൽ: കൊട്ടപ്പുറം എ.എം.എൽ.പി സ്കൂൾ മുൻ പ്രഥമാധ്യാപകനും മസ്ജിദുൽ മുജാഹിദീൻ വൈസ് പ്രസിഡന്റുമായ പി.വി. കുഞ്ഞിക്കോയ (85) നിര്യാതനായി.
1994ൽ മികച്ച അധ്യാപകനുള്ള സംസ്ഥാന സർക്കാർ അവാർഡ് ലഭിച്ചു. കോഴിക്കോട് മർകസുദ്ദഅവ മാനേജർ, കൊട്ടപ്പുറം മസ്ജിദുൽ മുജാഹിദീൻ മഹല്ല് പ്രസിഡന്റ്, സെക്രട്ടറി, കൊട്ടപ്പുറം മദ്റസത്തുൽ മുജാഹിദീൻ മാനേജർ, കെ.എൻ.എം പുളിക്കൽ മണ്ഡലം പ്രസിഡന്റ്, സംസ്ഥാന കൗൺസിലർ എന്നീ നിലകളിൽ പ്രവർത്തിച്ചിരുന്നു.
ഭാര്യ: നബീസക്കുട്ടി. മക്കൾ: റുഖിയ, ഹസ്സൻ, പരേതയായ സഹീദ, ജെസിമോൾ. മരുമക്കൾ: അബ്ദുൽ ബറു, ബഷീർ, ഇഖ്ബാൽ, ജുവൈരിയ. മയ്യിത്ത് നമസ്കാരം ബുധനാഴ്ച രാവിലെ 10ന് തലേക്കര ജുമാ മസ്ജിദിൽ.
