മങ്കട: ലോറിയിടിച്ച് ബൈക്ക് യാത്രക്കാരനായ യുവാവ് മരിച്ചു.
കാളമ്പാടി - കാവുങ്ങൽ സ്വദേശി പരേതനായ മുരിങ്ങേക്കൽ സുലൈമാന്റെ മകൻ അക്ബർ അലി (21) ആണ് മരിച്ചത്. തിരൂർക്കാട് തടത്തിൽ വളവിൽ ബുധനാഴ്ച രാവിലെ ഏഴിനാണ് അപകടം.
പെരിന്തൽമണ്ണ ഭാഗത്തേക്ക് പോവുകയായിരുന്ന ബൈക്കിനെ എതിർദിശയിൽ വന്ന തമിഴ്നാട് രജിസ്ട്രേഷനിലുള്ള ലോറി ഇടിക്കുകയായിരുന്നു. യുവാവ് സംഭവസ്ഥലത്തുതന്നെ മരിച്ചു. കാളമ്പാടി എം.എസ്.എഫ് യൂനിറ്റ് വൈസ് പ്രസിഡന്‍റായിരുന്നു.
മാതാവ്: സുബൈദ. സഹോദരങ്ങൾ: അബ്ദുറഹ്മാൻ, ജബ്ബാർ, ഹബീബ, അമീറ.
