കടലുണ്ടി: കലാകായിക, രാഷ്ട്രീയ, സാംസ്കാരിക രംഗങ്ങളിൽ നിറസാന്നിധ്യമായിരുന്ന പുൽപ്പയിൽ ബാലകൃഷ്ണൻ (89) മലപ്പുറം തിരുവാലിയിലെ വസതിയിൽ നിര്യാതനായി. ചാലിയം ഉമ്പിച്ചി ഹാജി ഹൈസ്കൂൾ അധ്യാപകനായിരുന്നു. നിലമ്പൂരിലെ തറവാട്ടുവീട്ടിൽ നിന്ന് കടലുണ്ടിയിൽ സ്ഥിരതാമസമാക്കിയ ബാലകൃഷ്ണൻ കോൺഗ്രസിന്റെ സജീവ പ്രവർത്തകനായിരുന്നു. കടലുണ്ടി സഹകരണ ബാങ്ക് ഡയറക്ടർ, പ്രസിഡന്റ് പദവികൾ വഹിച്ചിട്ടുണ്ട്. തികഞ്ഞ ഗാന്ധിയനായിരുന്ന അദ്ദേഹം ‘പുൽപ്പായി’ എന്നാണറിയപ്പെട്ടിരുന്നത്. ഭാര്യ: സാവിത്രി (റിട്ട. അധ്യാപിക). മക്കൾ: രാജീവ്, രജീന.