കാസർകോട്: മൂന്നു വയസ്സുകാരനെ കുളത്തിൽ വീണ് മരിച്ചനിലയിൽ കണ്ടെത്തി. കാസർകോട് കമ്പാർ റഹ്മാനിയ മൻസിലിൽ നൗഷാദിന്‍റെ മകൻ മുഹമ്മദ് സോഹൻ ഹബീബാണ് മരിച്ചത്. ഞായറാഴ്ച ഉച്ചക്കുശേഷം വീടിന് സമീപം കുളത്തിൽ അബോധാവസ്ഥയിൽ കാണുകയായിരുന്നു.
ആശുപത്രിയിലെത്തിച്ചെങ്കിലും മരിച്ചു. ഉച്ചക്ക് ഒന്നുമുതൽ കുട്ടിയെ കാണാനില്ലായിരുന്നു. തിരച്ചിലിനൊടുവിലാണ് കുളത്തിൽ അബോധാവസ്ഥയിൽ കണ്ടത്. കാസർകോട് പൊലീസ് ഇൻക്വസ്റ്റ് നടത്തി.
