നാദാപുരം: പുറമേരി പഞ്ചായത്ത് വൈസ് പ്രസിഡന്റും സി.പി.എം പുറമേരി ലോക്കൽ കമ്മിറ്റി അംഗവുമായ കുനിങ്ങാട്ടെ ചെട്ട്യാർ മീത്തൽ സി.എം. വിജയൻ മാസ്റ്റർ (59) നിര്യാതനായി. മുതുവടത്തൂർ യു.പി സ്കൂൾ റിട്ട. അധ്യാപകനായിരുന്നു. കർഷകസംഘം നാദാപുരം ഏരിയ വൈസ് പ്രസിഡന്റ്, പുറമേരി മേഖല സെക്രട്ടറി, കുനിങ്ങാട് മത്തായി മെമ്മോറിയൽ ചാരിറ്റബ്ൾ ട്രസ്റ്റ് ചെയർമാൻ എന്നീ നിലകളിൽ പ്രവർത്തിച്ചുവരുകയായിരുന്നു. പിതാവ്: പരേതനായ കണാരൻ. മാതാവ്: മാണി.
ഭാര്യ: ലെന (പുറമേരി സർവിസ് സഹകരണ ബാങ്ക് ജീവനക്കാരി). മക്കൾ: ഷെല്ലി വിജയൻ, സാലറ്റ് വിജയൻ (ഇരുവരും വിദ്യാർഥികൾ). സഹോദരങ്ങൾ: മോഹനൻ, പവിത്രൻ, സുരേഷ്, സുജാത.
