ചിറ്റൂർ: റോഡ് മുറിച്ചുകടക്കവേ ബൈക്കിടിച്ച് തത്തമംഗലം പാലോട് മീനാക്ഷി (64) മരിച്ചു. മേട്ടുപാളയം പള്ളത്താംപുള്ളിയിൽ ബുധനാഴ്ച രാവിലെ 11 മണിയോടെയായിരുന്നു അപകടം. മുറവും വട്ടിയും വിൽപനക്ക് കൊണ്ടുപോയി വരുന്നതിനിടെയാണ് അപകടം.
വണ്ടിത്താവളം ഭാഗത്തുനിന്ന് തത്തമംഗലം ഭാഗത്തേക്കു വരുകയായിരുന്ന ബൈക്കാണ് ഇടിച്ചത്. അപകടത്തിൽ ഗുരുതര പരിക്കേറ്റ മീനാക്ഷിയെ ആദ്യം ചിറ്റൂർ താലൂക്ക് ആശുപത്രിയിലും പിന്നീട് ജില്ല ആശുപത്രിയിലും ശേഷം തൃശൂർ മെഡിക്കൽ കോളജ് ആശുപത്രിയിലും എത്തിച്ചെങ്കിലും വൈകീട്ട് മരിച്ചു. ചിറ്റൂർ പൊലീസ് കേസെടുത്തു. ഭർത്താവ്: ചാമി. മക്കൾ: ചന്ദ്രൻ, കൃഷ്ണൻ, സുന്ദരൻ, ലക്ഷ്മി, സുനിത, ഗീത.
