ആര്യനാട്: ഗൃഹനാഥനെ വീടിന്റെ ടെറസില് തീപ്പൊള്ളലേറ്റ് മരിച്ച നിലയില് കണ്ടെത്തി. ആര്യനാട് ചേരപ്പള്ളി അയനം വീട്ടിൽ കെ. രാധാകൃഷ്ണനെയാണ് (54) മരിച്ചനിലയില് കണ്ടെത്തിയത്. തിങ്കളാഴ്ച രാവിലെയാണ് മൃതദേഹം കണ്ടെത്തിയത്. വസ്ത്രത്തില് മണ്ണെണ്ണ ഒഴിച്ച് സ്വയം തീകൊളുത്തുകയായിരുന്നെന്ന് പൊലീസ് പറഞ്ഞു. ഭാര്യ: സന്ധ്യറാണി. മക്കൾ: മീനു കൃഷ്ണ, മിഥുൻ കൃഷ്ണ. ആര്യനാട് പൊലീസ് കേസെടുത്തു.