തുറവൂർ: വീടിന് സമീപമുള്ള കിണറ്റിൽ വിമുക്തഭടനെ മരിച്ചനിലയിൽ കണ്ടെത്തി. എരമല്ലൂർ വെള്ളയിൽ പുത്തൻപുരയിൽ പരമേശ്വരൻ നായർ (80) ആണ് മരിച്ചത്. ബുധനാഴ്ച പുലർച്ചെയാണ് മൃതദേഹം കിണറ്റിൽ കാണപ്പെട്ടത്. അരൂരിൽ നിന്ന് അഗ്നിരക്ഷാ സേനയെത്തിയാണ് കിണറ്റിൽ നിന്നും മൃതദേഹം പുറത്തെടുത്തത്. മൃതദേഹം അരുക്കുറ്റി ഗവ: ആശുപത്രി മോർച്ചറിയിൽ. ഭാര്യ: ശ്രീമതി. മക്കൾ: സതീഷ് കുമാർ (ദുബൈ),ശ്രീജ. മരുമക്കൾ: ദിവ്യ, അജിത്കുമാർ. സംസ്കാരം വ്യാഴാഴ്ച രാവിലെ പത്തിന്.
