പൂച്ചാക്കൽ: ചേർത്തല- അരൂക്കുറ്റി റോഡിൽ പൂച്ചാക്കൽ പൊലീസ് സ്റ്റേഷന് സമീപത്തെ ഇടപ്പങ്ങഴി ക്ഷേത്രത്തിന് സമീപം ബുധനാഴ്ച രാവിലെ പത്ത് മണിയോടടുത്ത് നടന്ന വാഹനാപകടത്തിൽ സ്കൂട്ടർ യാത്രികനായ യുവാവ് മരിച്ചു. കോതമംഗലം നെല്ലിക്കുഴി അപ്പക്കൽ കുടിയിൽ വിജയന്റെ മകൻ മനു(36) ആണ് മരിച്ചത്. മനു സഞ്ചരിച്ചിരുന്ന വൈദ്യുത സ്കൂട്ടറിൽ പാർസൽ ലോറി ഇടിക്കുകയായിരുന്നു. പൂച്ചാക്കൽ പി.എം.സി ആശുപത്രിക്ക് സമീപമുള്ള വാഹന സർവീസ് സെന്ററിലെ ജീവനക്കാരനായിരുന്നു. മാതാവ്: ഓമന(ആശ വർക്കർ). സഹോദരങ്ങൾ: മനീഷ്, മീനു. സംസ്കാരം വ്യാഴാഴ്ച ഉച്ചക്ക് വീട്ടുവളപ്പിൽ.
