കോലഞ്ചേരി: ഓട്ടോ ഡ്രൈവർ തിരുവാണിയൂർ കുടുംബാരോഗ്യ കേന്ദ്രത്തിൽ കുഴഞ്ഞുവീണ് മരിച്ചു. തിരുവാണിയൂർ അത്താണി പഴപുരയിൽ പി.വി. ഷിബുവാണ് (51) മരിച്ചത്. വ്യാഴാഴ്ച രാവിലെ 10 മണിയോടെ നെഞ്ചുവേദന അനുഭവപ്പെട്ടതോടെ ഡോക്ടറെ കാണാനെത്തിയതാണ്. ഇ.സി.ജി പരിശോധനക്ക് നിർദേശിച്ചെങ്കിലും പെട്ടെന്ന് കുഴഞ്ഞു വീഴുകയായിരുന്നു. ആരോഗ്യ കേന്ദ്രത്തിലെ ഡോക്ടർമാർ ജീവൻ രക്ഷിക്കാൻ നടത്തിയ ശ്രമം വിഫലമായി. മൃതദേഹം തൃപ്പൂണിത്തുറ താലൂക്ക് ആശുപത്രി മോർച്ചറിയിൽ. സഹോദരങ്ങൾ: രാജു, പരേതയായ ഷീബ. സംസ്കാരം വെള്ളിയാഴ്ച രാവിലെ 11ന് കുറുഞ്ഞി സെന്റ് പീറ്റേഴ്സ് ആൻഡ് സെന്റ് പോൾസ് യാക്കോബായ പള്ളി സെമിത്തേരിയിൽ.
