കാരാകുർശ്ശി: മഞ്ഞപ്പിത്തം ബാധിച്ച് യുവാവ് മരിച്ചു. കാരാകുർശ്ശി വാഴമ്പുറം പീറങ്ങൽ വീട്ടിൽ അഫ്നാസാണ് (35) കോഴിക്കോട് മെഡിക്കൽ കോളജിൽ മരിച്ചത്. ആറുമാസം മുമ്പ് ബാധിച്ച മഞ്ഞപ്പിത്തം കോഴിക്കോട് മെഡിക്കൽ കോളജിലെ ചികിത്സയിൽ ഭേദമായിരുന്നു. വീണ്ടും രോഗം ബാധിച്ച് നാട്ടിലെ വിവിധ ആശുപത്രികളിൽ ചികിത്സ തേടി. രോഗം മൂർച്ഛിച്ചതോടെ രണ്ടു ദിവസം മുമ്പാണ് വീണ്ടും കോഴിക്കോട് മെഡിക്കൽ കോളജിൽ പ്രവേശിപ്പിച്ചത്. വ്യാഴാഴ്ച രാവിലെയാണ് മരിച്ചത്. ആലിക്കുട്ടിയുടെയും പാത്തുമക്കുട്ടിയുടെയും മകനാണ്. ഭാര്യ: റുബീന. മക്കൾ: മിൻഹ ഫാത്തിമ, മിൻഹാജ്. സഹോദരങ്ങൾ: ഷാജഹാൻ, മുഹമ്മദ് റിയാസ്.
