സുൽത്താൻ ബത്തേരി: കർണാടകയിലെ ചാമരാജനഗറിലുണ്ടായ വാഹനാപകടത്തിൽ സുൽത്താൻ ബത്തേരി മൂടക്കൊല്ലി കുന്നേക്കാട്ട് ജിതിൻ (33) മരിച്ചു. വ്യാഴാഴ്ച ഉച്ചക്കാണ് അപകടം. ടയർ പൊട്ടി നിയന്ത്രണം വിട്ടുവന്ന ഒമ്‌നി വാൻ ജിതിനും സംഘവും സഞ്ചരിച്ചിരുന്ന വാനിലേക്ക് ഇടിച്ചുകയറുകയായിരുന്നു. പരിക്കേറ്റ മറ്റു മൂന്നുപേരെ സുർത്താൻ ബത്തേരിയിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു. പിതാവ്: ബാബു. മാതാവ്: ശ്യാമള. ഭാര്യ: മേഘ്‌ന. സഹോദരി: ശ്രുതി
