പറളി: ശ്രീകൃഷ്ണപുരത്ത് നടക്കുന്ന ഫുട്ബാൾ സെലക്ഷൻ ക്യാമ്പിലേക്ക് രാവിലെ പോകുന്നതിനിടെ നിർത്തിയിട്ട ലോറിയിൽ ബൈക്കിടിച്ച് ബൈക്ക് യാത്രികനായ യുവാവ് മരിച്ചു.
മറ്റൊരാൾക്ക് ഗുരുതര പരിക്കോടെ കോയമ്പത്തൂരിലെ ആശുപത്രിയിൽ പ്രവേശിപ്പിച്ചു.
പറളി കുന്നത്തുപറമ്പ് അബ്ദുൽ സലീം-ഷഫീന ദമ്പതികളുടെ മകൻ മുഹമ്മദ് ഷഫീലാണ് (19) മരിച്ചത്. കൂടെ ഉണ്ടായിരുന്ന ഒലവക്കോട് എസ്റ്റേറ്റ് സ്വദേശി മുബശ്ശിറിനെയാണ് കോയമ്പത്തൂരിലെ ആശുപത്രിയിൽ പ്രവേശിപ്പിച്ചത്. ഞായറാഴ്ച രാവിലെ 5.30ന് പറളി തേനൂർ ഓട്ടുകമ്പനിക്കു സമീപമാണ് അപകടം.
പാലക്കാട് വിക്ടോറിയ കോളജിലെ ഒന്നാംവർഷ ബിരുദ വിദ്യാർഥിയാണ് മരിച്ച മുഹമ്മദ് ഷഫീൽ. സഹോദരൻ: സഫ്‍വാൻ.
