അമ്പലവയൽ: ജോലിക്കിടെ . ചെറുവയൽ മൂന്നുപടിയിൽ സുരേഷ് ബാബു (ഓജോ-36) ആണ് മരിച്ചത്. വ്യാഴാഴ്ച ഉച്ചക്ക് കുപ്പക്കൊല്ലി-എടയ്ക്കൽ ട്രാൻസ്ഫോമറിനു കീഴിലുള്ള എൽ.ടി ലൈനിൽ പണിയെടുക്കുന്നതിനിടയിലാണ് ഷോക്കേറ്റത്. ലൈൻ ഓഫ് ചെയ്ത്, എർത്ത് ചെയ്തതിനുശേഷമാണ് പണികൾ ആരംഭിച്ചത്. സമീപത്തെ വീടുകളിലെ ഇൻവെർട്ടറുകളിൽനിന്നോ മറ്റു വൈദ്യുതി ചാലകങ്ങളിൽനിന്നോ ന്യൂട്ടർലൈൻ വഴി വൈദ്യുതി പ്രവഹിച്ചതാകാം അപകട കാരണമെന്നാണ് പ്രാഥമിക നിഗമനം. ഭാര്യ: സുജ. മക്കൾ: സൂര്യദേവ്, ദേവനന്ദ.
