നാദാപുരം: ഖത്തറിൽനിന്നെത്തി ക്വാറൻറീനിൽ കഴിയുന്ന ആൾ മരിച്ച നിലയിൽ. വളയം ചെക്കോറ്റയിലെ കുളങ്ങരത്ത് അബ്ദുൽ കരീമിനെയാണ് (54) ശനിയാഴ്ച രാത്രി എട്ടരയോടെ വീടിന് മുകളിൽ കസേരയിൽ മരിച്ചനിലയിൽ കണ്ടത്. കഴിഞ്ഞ മാസം 22നാണ് ഇയാൾ വിദേശത്തുനിന്നെത്തി വീട്ടിൽ ക്വാറൻറീനിലായത്. വീട്ടുകാർ വീടിൻെറ താഴത്തെ നിലയിലും ഇയാൾ വീടിന് മുകളിലും കഴിയുകയായിരുന്നു. ഭാര്യ: ആയിഷ. മക്കൾ: സിദ്ദിഖ്, റയീസ്, ആഷിഖ്, സീനത്ത്, നജ ഫാത്തിമ. മരുമകൻ: ശുഹൈബ്. സഹോദരങ്ങൾ: ഹമീദ്, ബഷീർ, സലാം.
