പൊലീസിൻെറ അസഭ്യം പൊലീസിൻെറ അസഭ്യം: ആത്മഹത്യക്ക് ശ്രമിച്ച ഡ്രൈവർ മരിച്ചു ഗൂഡല്ലൂർ: ജനങ്ങൾ നോക്കിനിൽക്കെ എസ്.ഐ അസഭ്യം പറഞ്ഞ മനോവിഷമത്തിൽ ദേഹത്ത് മണ്ണണ്ണ ഒഴിച്ച് തീ കൊളുത്തി ആത്മഹത്യക്ക് ശ്രമിച്ച ഡ്രൈവർ ചികിത്സ ഫലിക്കാതെ മരിച്ചു. ഗൂഡല്ലൂർ എം.ജി.ആർ നഗറിലെ ത്യാഗരാജൻ (47) ആണ് മരിച്ചത്. കഴിഞ്ഞ ജൂൺ 30ന് വൈകീട്ട് 6.30നാണ് സംഭവം. നാടുകാണി ഭാഗത്തുനിന്ന് ഗൂഡല്ലൂരിലേക്ക് വരവെ ലോറി ചിലരെ ഇടിക്കാൻ പോയെന്ന് പറഞ്ഞ് പൊലീസിന് വിവരം നൽകി. എസ്.ഐമാർ എത്തി ത്യാഗരാജനോട് കാര്യം അേന്വഷിക്കവെ തെറിപറയുകയും രേഖ കാണിക്കാൻ ആവശ്യപെടുകയും ചെയ്തപ്പോൾ ലോറിയിൽ കയറിയ ത്യാഗരാജൻ മണ്ണണ്ണ എടുത്ത് ദേഹത്ത് ഒഴിച്ച് തീ കൊളുത്തുകയായിരുന്നു. ഗുരുതര നിലയിലായ ഇയാളെ കോയമ്പത്തൂർ മെഡിക്കൽ കോളജിൽ പ്രവേശിപ്പിച്ചിരുന്നു. തിങ്കളാഴ്ച രാവിലെ 11 മണിയോടെ മരിച്ചു. ജീവനൊടുക്കാൻ കാരണം പൊലീസ് അസഭ്യം പറഞ്ഞതിലെ വിഷമം മൂലമാെണന്ന് ത്യാഗരാജൻ മരണമൊഴി നൽകിയിട്ടുണ്ട്. ഭാര്യ: നിർമല. മക്കൾ: കലൈരാജ്, കൗശല്യ. GDR DVR (47)
