KTD101JAMES Sebastian 27 പാലാ: സൗദി റിയാദില്‍ വാഹനാപകടത്തില്‍ തിടനാട് സ്വദേശി മരിച്ചു. തിടനാട് ഐക്കര സെബാസ്റ്റ്യൻെറ മകന്‍ ജയിംസ് സെബാസ്റ്റ്യനാണ് (27) മരിച്ചത്. റിയാദിലെ യുനൈറ്റഡ് ഫുഡ് ഇന്‍ഡസ്ട്രിയിലെ (ഡീമാക് കമ്പനി) റീജനല്‍ മാനേജറായിരുന്നു. കഴിഞ്ഞ മൂന്നിന് ജോലി സ്ഥലത്തേക്ക് പോകുമ്പോള്‍ ട്രാഫിക് സിഗ്നല്‍ തെറ്റിച്ചുവന്ന കാര്‍ ജയിംസിൻെറ കാറില്‍ ഇടിച്ചുകയറുകയായിരുന്നു എന്നാണ് നാട്ടില്‍ ലഭിച്ച വിവരം. രണ്ടുവര്‍ഷം മുമ്പാണ് ജയിംസ് സൗദിയിലേക്ക് പോയത്. ഡിസംബറില്‍ നാട്ടിൽ വരാനിരിക്കുകയായിരുന്നു. മാതാവ്: അന്നക്കുട്ടി. സഹോദരി: ജിഷ. കോവിഡിൻെറ പശ്ചാത്തലത്തില്‍ മൃതദേഹം നാട്ടിലെത്തിക്കാൻ വൈകുമെന്നാണ് അറിയുന്നത്. വിവിധ മലയാളി അസോസിയേഷനുകളുടെ നേതൃത്വത്തില്‍ നടപടികള്‍ പുരോഗമിക്കുകയാണ്. കാർ കടമുറിയിലേക്ക് ഇടിച്ചുകയറി; യാത്രികൻ മരിച്ചു ചങ്ങനാശ്ശേരി: എം.സി റോഡിൽ തുരുത്തിയിൽ നിയന്ത്രണംവിട്ട കാർ റോഡരികിലെ കടമുറിയുടെ ഭിത്തിയിലേക്ക് ഇടിച്ചുകയറി കാർ യാത്രികൻ മരിച്ചു. കായംകുളം പുലരിച്ചന്ത ഭാഗത്ത് കോട്ടത്തറയിൽ കുഞ്ഞുപിള്ളയുടെ മകൻ അനിൽ കുമാറാണ് (51) മരിച്ചത്. ഒപ്പം യാത്ര ചെയ്ത മാടപ്പള്ളി ഊട്ടിക്കൽ ബാബുവിന് (45) പരിക്കേറ്റു. തിങ്കളാഴ്ച പുലർച്ച 2.30ഓടെയാണ് അപകടം. കായംകുളത്തുനിന്ന് കുമരകത്തേക്ക് തടി വെട്ടാൻ പോയതായിരുന്നു ഇരുവരും. ഉറങ്ങിയതാവാം അപകട കാരണമെന്ന് പൊലീസ് പറയുന്നു. ഇടിയുടെ ആഘാതത്തിൽ ഡ്രൈവർ സീറ്റിൻെറ ഭാഗം പൂർണമായും തകർന്നു. ശബ്ദം കേട്ട് അയൽവാസികളും സമീപ ഫ്ലാറ്റിൽ താമസിക്കുന്നവരും ഉണർന്നപ്പോഴാണ് അപകടം അറിയുന്നത്. പൊലീസ് എത്തി ഇയാളെ ചങ്ങനാശ്ശേരി ജനറൽ ആശുപത്രിയിൽ എത്തിെച്ചങ്കിലും മരിച്ചു.
