ഇ.പി.എഫ് ഓഫിസ് ജീവനക്കാരൻ വഴിയിൽ കുഴഞ്ഞുവീണ് മരിച്ചു കോഴിക്കോട്: എരഞ്ഞിപ്പാലം ഇ.പി.എഫ് ഓഫിസ് ജീവനക്കാരൻ റെയിൽവേ സ്റ്റേഷനിലേക്ക് പോകുന്നതിനിടെ കുഴഞ്ഞുവീണ് മരിച്ചു. അക്കൗണ്ട്സ് വിഭാഗത്തിലെ സീനിയർ അസിസ്റ്റൻറായ പാലക്കാട് കോങ്ങാട് മാർഗശ്ശേരി മുരളീദാസാണ് (58) ലിങ്ക്റോഡിന് സമീപം കുഴഞ്ഞുവീണത്. ഉച്ചക്ക് 1.15നാണ് സംഭവം. ജോലി കഴിഞ്ഞ് നാട്ടിൽ പോകാൻ ബസിറങ്ങി റെയിൽവേ സ്റ്റേഷനിലേക്ക് നടന്നുപോകുന്നതിനിടെയായിരുന്നു കുഴഞ്ഞുവീണത്. ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം ബീച്ച് ജനറൽ ആശുപത്രിയിൽ സൂക്ഷിച്ചു. കോവിഡ് പരിശോധനക്കുശേഷം വിട്ടുകൊടുക്കും. ഷീനയാണ് ഭാര്യ. മക്കൾ: കാവ്യ, നിത്യ.
