Kalladikkode Muraleedas 58 ഇ.പി.എഫ് ഓഫിസ് ജീവനക്കാരൻ കുഴഞ്ഞുവീണ് മരിച്ചു കല്ലടിക്കോട്: കോഴിക്കോട് എരഞ്ഞിപ്പാലം ഇ.പി.എഫ് ഓഫിസ് ജീവനക്കാരൻ റെയിൽവേ സ്റ്റേഷനിലേക്ക് പോകുന്നതിനിടെ കുഴഞ്ഞുവീണു മരിച്ചു. അക്കൗണ്ട്സ് വിഭാഗത്തിലെ സീനിയർ അസിസ്റ്റൻറ് പാലക്കാട് കോങ്ങാട് മാർഗശ്ശേരി മുരളീദാസാണ് (58) കോഴിക്കോട് ലിങ്ക് റോഡിന് സമീപം കുഴഞ്ഞുവീണ് മരിച്ചത്. വ്യാഴാഴ്ച ഉച്ചക്ക് 1.15നായിരുന്നു സംഭവം. ജോലികഴിഞ്ഞ് നാട്ടിൽ പോകാൻ ബസിറങ്ങി റെയിൽവേ സ്റ്റേഷനിലേക്ക് നടന്നുപോകുന്നതിനിടെയാണ് കുഴഞ്ഞുവീണത്. ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം ബീച്ച് ജനറൽ ആശുപത്രിയിൽ സൂക്ഷിച്ചിരിക്കുകയാണ്. കോവിഡ് പരിശോധനക്കുശേഷം വിട്ടുകൊടുക്കും. ഷീനയാണ് മുരളീദാസിൻെറ ഭാര്യ. മക്കൾ: കാവ്യ, നിത്യ.
