കോഴിക്കോട്: മിനി ബൈപാസിൽ സരോവരം മദ്യഷാപ്പിന് പിന്നിലെ വെള്ളക്കെട്ടിൽ യുവാവിനെ മരിച്ചനിലയിൽ കണ്ടെത്തി. 40 വയസ്സ് തോന്നിക്കുന്നയാളുടെ മൃതദേഹം വ്യാഴാഴ്ച വൈകീട്ട് നാലോടെ നാട്ടുകാരാണ് കണ്ടത്. മുഖം അഴുകിയ നിലയിലായിരുന്നു. നാല് ദിവസം മുമ്പ് മരിച്ചയാളാണെന്നാണ് നിഗമനം. തിരിച്ചറിഞ്ഞിട്ടില്ല. അമിതമായി മദ്യപിച്ച് വെള്ളക്കെട്ടിൽ വീണതാവുമെന്നാണ് പൊലീസ് നിഗമനം. സമീപത്തുനിന്ന് ചെരിപ്പുകൾ ലഭിച്ചു. കോവിഡ് പരിശോധനക്ക് ശേഷമേ ഇൻക്വസ്റ്റ് നടപടികൾ പൂർത്തിയാക്കൂ. മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. സംഭവത്തിൽ നടക്കാവ് പൊലീസ് കേസെടുത്തു. എസ്.ഐ കൈലാസ്നാഥിൻെറ നേതൃത്വത്തിലുള്ള സംഘം സ്ഥലത്തെത്തി.
