പേരാമ്പ്ര: വീട്ടമ്മയെ വീടിനുള്ളിൽ മരിച്ചനിലയിൽ കണ്ടെത്തി. ചങ്ങരോത്ത് പഞ്ചായത്തിലെ പട്ടാണിപ്പാറ പുളിക്കൽ വർക്കി - മറിയം ദമ്പതികളുടെ മകൾ മേരിയാണ് (58) മരിച്ചത്. വ്യാഴാഴ്ച വൈകീട്ട് ഏഴരയോടെയാണ് വിവരം പുറത്തറിഞ്ഞത്. മേരി തനിച്ചാണ് താമസം. തൊഴിലുറപ്പ് ജോലിക്കു വ്യാഴാഴ്ചയും പോയിരുന്നുവെന്നാണ് വിവരം. വീട്ടിനുള്ളിൽനിന്ന് ഷോക്കേറ്റിട്ടാണ് മരണമെന്നു സംശയമുണ്ട്. വീടിൻെറ വാതിലിനടുത്ത് മരിച്ചു കിടക്കുന്ന നിലയിലായിരുന്നു. പെരുവണ്ണാമൂഴി പൊലീസ് സ്ഥലത്തെത്തി. കോവിഡ് പ്രോട്ടോകോൾ പ്രകാരമുള്ള നടപടികൾ നടത്തിയ ശേഷം പോസ്റ്റ്മോർട്ടം നടത്തും. സഹോദരി: ഏലിക്കുട്ടി.
